បន្ទាយមានជ័យ៖ ថ្លែងក្នុងពិធីអបអរសាទរខួបលើកទី២៥ ទិវាជនមានពិការភាពកម្ពុជា និងខួបលើកទី៤១ ទិវាជនមានពិការភាពអន្តរជាតិ លោក អ៊ុំ រាត្រី បានលេីកឡេីងថា បងប្អូនជនមានពិការភាពទទួលបានការយកចិត្តទុកយ៉ាងខ្លាំងពីសម្តេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធិបណ្ឌិត ជាពិសេសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តែងតែយកចិត្តទុកដាក់ទៅលេីសុខទុកបងប្អូនជនមានពិការភាព តាមរយៈលេីកកម្ពស់ជីវភាពរស់នៅ ដោយមិនបោះបង់ និងមិនមានការរេីសអេីសចំពោះងប្អូនពិការភាពណាម្នាក់ឡេីយ។

ពិធីអបអរសាទរខួបលើកទី២៥ ទិវាជនមានពិការភាពកម្ពុជា និងខួបលើកទី៤១ ទិវាជនមានពិការភាពអន្តរជាតិ ធ្វេីឡេីងក្រោមប្រធានបទ "ដំណោះស្រាយប្រកបដោយនវានុវត្តន៍ ដើម្បីសង្គមមួយមានផាសុកវត្ថុ និងសមធម៌ “ នៅបរិវេណផ្សារចំការតាមដោក ស្រុកមង្គលបូរី នាព្រឹកថ្ងៃទី០៦ ខែធ្នូ ឆ្នាំ២០២៣

លោក អ៊ុំ រាត្រី បន្តថា ក្រោមការដឹកនាំប្រកបដោយ ថាមវន្តនិងឈ្លាសវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលអាណត្តិទី៧នៃរដ្ឋសភា ក្នុងគោលដៅជំរុញកំណើនការងារប្រសិទ្ធភាព សមធម៌ និងចីរភាពសេដ្ឋកិច្ច ដែលជាកាតាលីករជំរុញឱ្យសម្រេចបានទស្សនៈវិស័យរយៈពេលវែងសម្រាប់ប្រទេសកម្ពុជា ជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រាក់ចំណូលខ្ពស់ នៅឆ្នាំ២០៥០។

លោក ឃុន វុទ្ធី ប្រធានមន្ទីសង្គមកិច្ចខេត្ត បានឱ្យដឹងថា បងប្អូនជនមានពិការភាពនៅទូទាំងខេត្តបន្ទាយមានជ័យ ដែលបានចុះបញ្ជីមានចំនួន ១៩ ៣៨៦នាក់/ស្រីចំនួន ៩ ៤១៩នាក់។ ទទួលបានប័ណ្ណមានចំនួន ១៣ ២១៤នាក់/ស្រី ៦ ២១៣នាក់។ លិកបានឱ្យដឹងបន្តថា ចំពោះបងប្អូនជនមានពិការភាពនៅទូទាំងស្រុកមង្គលបូរី ចំនួន ៣២០នាក់ ទទួលបានថវិកាពីរាជរដ្ឋាភិបាលកម្ពុជា ក្នុងនោះបងប្អូនជនមានពិការភាពប្រភេទ១ ចំនួន ២០០នាក់ ក្នុងម្នាក់ទទួលបានថវិកា ២៤ម៉ឺនរៀល និងសារុង១ និងប្រភេទ២ ចំនួន ១២០នាក់ ក្នុងម្នាក់ទទួលបានថវិកាចំនួន ១២ម៉ឺនរៀល និងសារុងមួយផងដែរ៕